You see it everywhere from MSN chat windows to blogs. But do you know where do these cute rabbit icons come from? Who made them? And why? I have been wondering who made them for ages because it’s nicely drawn and animated. The expressions on the little ones are captivating. For those of you who are clueless about this, here’s the 39 tuzkis.

• 起身啦!!!
  Tue, 6th Jan 2009 07:22 EST
  
  今日晨早見到呢個景，突然間惗起一個人。。。
• 搭火車
  Mon, 5th Jan 2009 11:00 EST
  
  今日帶大家搭下火車，從Hanoi去Sapa，需要十粒鈡車程。 啲床位都幾舒服，算係。 門口時不時會有人瓢過。 呢位阿叔前世未搭過夜車。 呢張我只係想證明一下呢架嘢有幾車震。
• 培養氣質
  Sun, 4th Jan 2009 11:00 EST
  
  呢幾日突然間想培養返小小氣質，走去書局，見到呢本雜誌，即刻就愛上了。 呢本係一本來自臺灣嘅設計雜誌，好正。 培養氣質固然重要，但我依然係一位純血統嘅男人嚟，嗯。。。唔錯唔錯。
• 譏笑話
  Sat, 3rd Jan 2009 22:30 EST
  
  有冇聼過民間嘅一句譏笑話啊？ “呢個係青色嚟嘎，你色盲嘎？ 哈哈哈哈。。。” 仲記得第一次驗色盲，總共要驗兩次，第二次要家人陪伴。醫生幫我老豆講，你嘅仔染咗色盲，色盲係冇得醫嘎。 老豆問我，成個家族嘅人都冇色盲，點解偏偏你有？ 我記得當時我唔敢望佢，我嘅頭沓到好低，眼淚不停地流。 我覺得自己係一種怪獸。 老豆再問，你咁中意畫畫，點算？ 消息好快傳出去，大家就對我呢位色盲嘅人非常感興趣，指東指西問我呢樣嗰樣係乜嘢顔色，好奇好玩好過癮。我一講錯咗就會聼到類似。。咁都分唔出啊？之后大家就非常好心地幫我分析，大個之後唔可以做乜可以做乜。 我當時一年級。 老師教我哋畫馬來西亞地圖，我將整個海油成青色，隔離同學仔非常好奇地問，點解油青色嘅？我橫睇掂睇，冇喔，呢個唔係藍色咩？我仲搵老師求證。 老師噠一句“練惠游，你色盲的嗎？”。我先醒覺原來呢個色叫做“青色”。 同學仔問，點解你會色盲嘎？你睇唔到顔色嘎？ 我小學畫畫比賽攞第一。 中學我打算隱瞞事實，直到畢業之後班老友記先知道我係色盲嘅，大家都好驚訝，唔相信，因爲我好喜歡畫畫，唔似，我每次都要安慰返佢哋，冇啦，我只係屬於輕微嗰种。 老友，相信我輕微色盲，你嗰心會好過啲嗎？ 讀學院時，我嘅作品往往顔色都會用得比較強烈，因爲自己知自己事。所以我好羡慕班上有一位同學，佢喜歡用柔弱嘅中間顔色嚟做配搭，好天衣無縫嗰只。 我曾經嘗試過學佢咁配色，之後有位同學仔好好心地幫我講，點解你近排嘅設計灰灰地嘎，你嘅心情好灰咩？ 哈。。。。哈。。。。哈。。。。 個一刻，我決定放棄顔色!!!! 今時今日，我喜歡影相，我清楚我呢一挺人最適合影黑白照，但我唔甘心，因爲我係見到顔色嘎，只係。。。我嘅眼比較懶去做分色嗻。 唔好問我點樣做得到，色盲都可以走去分色畫畫？我唔想答你。 曾經有位同學仔幫我講，你好叻襯色啊，我暗笑。 有冇聼過民間嘅一句譏笑話啊？ “呢個係青色嚟嘎，你色盲嘎？ 哈哈哈哈。。。”
• Natasha
  Sat, 3rd Jan 2009 11:00 EST
  
  冇錯，啲皺紋就係佢嘅最大武器!